فەيسبوک خزمەتگوزارييەکی رادەگرێت
تۆڕی کۆمەڵايەتی فەيسبوک دانی بە شکستی خۆيدا نا و بڕياری راگرتنی خزمەتگوزارييەکی دا کە زياتر لە دوو ساڵە خستوويەتييە بەردەست بەکارهێنەرانی.
فەيسبوک پەيپەر "Facebook Paper" ئەو خزمەتگوزارييەيە کە لەلايەن کۆمپانيای فەيسبوکەوە بەڕێوەدەبرێت و تيادا بەکارهێنەر بە ئاسانی هەواڵی کۆمەڵێک ماڵپەری دەخوێنێتەوەو توانای هەڵگرتنیشی لەلای خۆی هەيە لەگەڵ کۆمەڵێک تايبەتمەندی ديکەدا.
بەڵام لە کۆتايدا فەيسبوک بەفەرمی بڕياری لەکارخستنی ئەو خزمەتگوزارييەيان دا بەهۆی سەرنەکەوتنی پڕۆژەکەوەو بوونی بەکارهێنەرێکی کەم.
يەکێک لەو هۆکارانەی وای لە فەيسبوک ئەو بەرنامەيە بکشێنێتەوە ئەوەبوو فەيسبوک پەيپەر لە بازاری فەرمی ئاپ ستۆر کەمترين جار داگيرابوو کە ١٥٠٠ جار بوو ئەمەش بووە گورزێکی کوشندە بۆ کۆمپانياکەيان.
لە ئێستا بەکارهێنەر ناتوانێت ئەو بەرنامە داگرێت و لە بازاڕە ئەليکترۆنييەکان لابراون، وابڕياريشە لە ٢٩ی ئەم مانگە بەفەرمی ئەو بەرنامەيە لەکاربخرێت.
No comments:
Post a Comment