لە رێگەی بلۆگی فەرمی خۆيانەوە لە تۆڕی ئينتەرنێت، يوتيوب دروستکردنی تۆڕێکی کۆمەڵايەتی راگەياند کە لە رێگەی چەناڵەکانەوە پەيوەستکراوە.
وەک ئاشکرايە هەر بەکارهێنەرێکی يوتيوب چەناڵێکی تايبەت بەخۆی هەيە و لەوێوە ڤيديۆکانی بڵاودەکاتەوەو پەخشی دەکات، بەمەبەستی زياتر هێشتنەوەی بەکارهێنەريش، يوتيوب تۆڕێکی کۆمەڵايەتی دەکاتەوە.
بەپێی راگەياندراوەکەیان لەبەشی تايبەکانی بەرنامەی يوتيوب کە بۆ سيستمەکانی ئەندرۆيد و ئای ئۆ ئێس بەردەستە بەشێکی نوێ بەناوی (YouTube Community) زياد دەبێت، کاری سەرەکيشی ئەوەيە بەکارهێنەر دەتوانێت وێنە و ڤيديۆ و تێکست و وێنەی جوڵاو بڵاوبکاتەوە هاوشێوەی تويتەر و فەيسبوک.
هەروەها بەکارهێنەر لەکاتی سەردانیکردنی ئەو بەشەدا دەتوانێت پۆستی کەسە دياريکراوەکان ببينێت و سەبسکرايبيان کات، لە شێوە و تايبەتمەنديدا وەک فەيسبوک وايە، چونکە دەتوانێت لايک و ئەنلايک بکات و کۆمێنتيش بنووسێت.
نموونەيەکی کارەکە:
No comments:
Post a Comment