جيهانی ئينتەرنێت يەکێکە لەو شوێنانەی زۆرترين کاری لەسەر دەکرێت و بەداخستنی دەرگايەکی دەيانی ديکە دەکرێنەوەو دەخرێتە بەردەست بەکارهێنەرانی ئينتەرنێت.
تۆرێنت يەکێک بوو لە دەرگايانەی هەربەزووی بەڕووی بەکارهێنەراندا کرانەوەو هەموو جۆرە فايلێکی تيادا داندرا کە بەکارهێنەر دەيتوانی بەبێ بەرانبەر و دانی هيچ بڕە پارەيەک ببێتە خاوەنی بەرنامە يان فيلم و هەرشتیک ئارەزووی لێی هەبوايە کە لەلايەن کەسانی شارەزای بواری تەکنەلۆژياوە بەنهێنی دەبران بەڕێوە.
هەرئەوەش بووە هۆکاری ئەوەی لە چەندين وڵات لەلايەن کۆمپانيا و دەزگا بەرهەمهێنەرەکانی بەرنامە و فيلمەکانەوە داوايان لەسەر تۆماربکرێت و بڕياری داخستنيان بدرێت.
وێنەی پەڕەی سەرەکیی سايتی torrent hound
پاش ئەوەی لەماوەی رابردوو سێ سايتی بەناوبانگی بواری تۆرێنت داخران کە (The Pirate Bay ،Torrentz ،KAT) بوون، لە ئێستادا سايتێکی بەناوبانگی ديکە چووە پاڵيان و لەلايەن ئاسايشی نەتەوەييەوە لۆدی سەرخرا و داخرا.
سايتی Torrent Hound، يەکێک بوو لەو سايتانەی لەدوای ئەو سێ سايتەی سەرەوە دەهات لە رووی دابەزاندنی فيلم و بەرنامەوە، بەڵام بەهۆکاری نەپاراستنی زانياریی و مافی کۆمپانياکان دوای نۆ ساڵ لەکارکردنی داخرا.
لە ئێستاشدا چەند سايتێکی تۆرێنتی کەم ماون کە بەکارهێنەر بتوانێت سەردانی بکات و بەرنامە و فيلمە جيهانييەکانی لێوە دابگرێت، واشچاوەڕوان دەکرێت هەڵمەتی داخستنی سايتە تۆرێنتەکان ئەوانيش بگرێتەوە.
وه‌رگیراوه
No comments:
Post a Comment