فەیسبووک بەمنزیکانە هاوشێوەی سناپچات تایبەتمەندێتی فلتەر بۆ پەخشی ڕاستەوخۆ زیاد دەکات.
کۆمپانیای فەیسبوک دوێنێ ٢٩ی تشرینی یەکەمی ٢٠١٦ لە ڕاگەیەندراوێکدا بڵاویکردووەتەوە، فلتەرە نوێکانی فەیبسووک لە ژێر ناوی " ماسکی لایڤ" کارادەبێت و بەکارهێنەران لە کاتی پەخشی ڕاستەوخۆدا (لایڤ) دەتوانن بەکاریبهێنن.
فەیسبوک ڕایگەیاندووە ماسکەکان ژمارەیان دیاریکراوە و شێوەکانی ئێسکە پەیکەر و شاژنی خراپ و جادوکەر و پەمپکنی تێدایە، هەرچەندە فلتەرەکان بۆ ڕۆژی هۆڵۆوین دروستکراون، بەڵام دوای ئەو یادەش بەکارهێنەرانی فەیسبوک دەتوانن بەکاریبهێنن.
تایبەتمەندییەکە لە ئێستادا بۆ بەکارهێنەرانی سیستمی iosلە وڵاتانی ئەمەریکا و بەریتانیا و نیوزلەندا کاردەکات و لە چەند مانگی داهاتوودا خاوەنی موبایلەکانی سیستمی ئەندرۆید دەتوانن بەکاریبهێنن، دواتر تایبەتمەندییەک لە وڵاتانی دیکەدا کارادەبێت.
جگە لە ماسکەکان بۆ ڕۆژی هۆڵۆوین ژمارەیەک لە پێنج کاردانەوەکەی فەیسبوک ( لایک و پێکەنین و سەرسوڕمان و خەمناک و ترسناک و خۆشویستن) وێنەکانیان دەگۆڕێت، بە شێوەیەک بۆ کاردانەوەی پێکەنین وێنەی پێکەنینی جادوکەر بەکاردێت، وێنەی تارمایی بۆ کاردانەوەی سەرسوڕمان، وێنەی فرانکستاین بۆ کاردانەوەی خەمناک و وێنەی پەمپکن بۆ کاردانەوەی توڕەبوون بەکاردەهێندرێت.
No comments:
Post a Comment